Андижон шаҳрининг собиқ ҳокими Баҳром Ҳайдаров қамоқхонада вафот этди. У 2022 йилнинг декабрида ўзлаштириш, талон-торож қилиш ва мансаб сохтакорлиги каби жиноятларда айбланиб, 10 йилга озодликдан маҳрум қилинганди.
Тошкент шаҳри собиқ ҳокими Жаҳонгир Ортиқхўжаев ишдан олиниши сабабларини изоҳларкан, фаолиятида кўп хатолар қилгани, президентнинг қарорларини эса муҳокама қилмаслиги ҳақида гапирди. У, шунингдек, Туркияга қочиб кетаётганида ушлангани айтилган хабарларга ҳам ойдинлик киритиб ўтди.
Андижон туманининг собиқ ҳокими Абдужаббор Эгамбердиев бир йил аввал 2 йилга ахлоқ тузатиш ишлари жазосига ҳукм қилингани маълум бўлди. Бир ҳафта олдин суд уни муддатидан илгари (1 йилдан ортиқ) масъул лавозимларда ишлаш ҳуқуқидан маҳрум қилиш жазосидан шартли озод қилди.
Самарқанд вилояти Оқдарё туманининг собиқ ҳокими ва яна 2 шахс 11,1 гектар ерни расмийлаштириб бериш учун фуқародан 6 млн АҚШ доллари талаб қилган. Улар пулнинг 200 минг долларини олаётган вақтда ушланди. Шунингдек, Тошкент, Андижон ва Навоий вилоятларида ер сотиш билан боғлиқ ҳолатлар аниқланди.
Сурхондарёнинг собиқ ҳокими Тўра Боболов ортидан 13 туман ҳокими қаторида ишдан олинган, 1 йил давомида Қизириқ туманига раҳбарлик қилган Рустам Пардаев 4та жиноий модда доирасида суд қилинмоқда. Унга ўзлаштириш, фирибгарлик, мансаб сохтакорлиги каби айбловлар қўйилган.
Қўшимча имкониятларга эга булиш учун сайтда рўйхатдан ўтинг